سوال : کیا فرماتے ہیں علمائے دین مسئلہ ذیل کے بارے میں کہ

                                                                            ایک عورت نے عاشورہ کا روزہ رکھا،پھرحیض کی وجہ سے روزہ ٹوٹ گیا؛تودوبارہ روزہ رکھنا ہے  یانہیں اور ایک روزہ  رکھنا ہے یا دو ؟  مفصّل  بیان فرمائیں ۔

الجواب وباللہ التوفیق :

                                                                                       نفل روزہ شروع کردینے کے بعدلازم ہوجاتاہے،لازم ہونے کے بعداگر وہ فاسد ہوجائےتوبعد میں اُس کی قضا واجب ہوتی ہے ،لہذا صورتِ مسئولہ میں اگر کسی عورت نے نفل روزہ رکھ لیا  پھر صبح صادق کے بعد (کسی بھی وقت غروب سےپہلے) اسےحیض آجائےتواس کاروزہ فاسد ہوجائے گااورحیض سےپاک ہونےکےبعد اس روزہ کی قضا رکھنا واجب ہوگا،اورعاشوراءکاروزہ بھی نفل ہی ہے،اورایک ہی روزہ کی قضالازم ہوگی ۔

ومن دخل في صوم التطوع ثم أفسده قضاه كذا في الهداية سواء حصل الفساد بصنعه أو بغير صنعه حتى إذا حاضت الصائمة المتطوعة يجب القضاء في أصح الروايتين كذا في النهاية.

(الفتاویٰ  الہندیۃ:۱؍ ۲۷۸ ،المکتبۃ الاشرفیۃ  دیوبند)