سوال : کیا فرماتے ہیں علمائے دین مسئلہ ذیل کے بارے میں کہ

 قربانی کاجانورفروخت کرنےوالاکلوگرام میں فروخت کرتاہے یعنی قربانی کا جانور تول کر خریدوفروخت کرناجائزہےیانہیں ؟                            

بی، محمد مدثر ،آمبور

الجواب وباللہ التوفیق :

        جانورغیرموزونی (وزن کے ذریعہ نہ بیچی جانے والی )چیز ہے اور قربانی ایک بڑی عبادت ہے اور قربانی سے مقصود گوشت پوشت  نہیں، بلکہ قربانی کرنے والے کا تقوی و پرہیزگاری ہے ،لہذا جانور کی  خرید و فروخت کا جو اصل اور شرعی طریقہ ہے یعنی بغیر وزن کے خرید و فروخت کرنا وہی طریقہ اپنایا جائے اور دھوکہ وغیرہ سے بچنے کے لئے تجربہ کار لوگوں کی مدد حاصل کی جائے۔

(مستفاد از فتاوی رحیمیہ:۵؍۴۲۷)