سوال : کیا فرماتے ہیں علمائے دین مسئلہ ذیل کے بارے میں کہ
امام احمد بن حنبل ؒکے زمانہ میں یہ فتنہ اٹھا کہ قرآن شریف مخلوق ہے، لیکن امام احمد بن حنبلؒ نے فرمایا کہ قرآن مخلوق نہیں ؛بلکہ اللہ تعالیٰ کی صفت ہےیعنی قرآن شریف ہمیشہ سے ہے اور ہمیشہ رہےگا،امام صاحب کواِس موقف پر کوڑےبھی کھانے پڑے،ہماراعقیدہ ہےکہ قرآن شریف آسمانی کتاب ہے جووحی کےذریعہ حضورِاقدسﷺ پر نازل ہوئی،یہ وہ کتاب ہےجو لوگوں کی ہدایت کےلئے نازل کی گئی،اِس بارے میں امام احمد بن حنبلؒ کےدلائل کیاہیں،تفصیل کےساتھ بتائیں ؟
سائل :پی ،نثار احمد
الجواب وباللہ التوفیق :
قرآن مجیدآسمانی کتاب اوراللہ تعالی کا کلام ہے،مخلوق نہیں ہے، مخلوق نہ ہونے سے مراد کلامِ نفسی ہے جو اللہ تعالیٰ کی ذات بابرکت کے ساتھ قائم ہے،ہمارے منہ سے نکلنے والے الفاظ مراد نہیں، ہمارے الفاظ تو بالاتفاق مخلوق ہیں، یہی صحابہ کرام، تابعین،تبعِ تابعین اور امام احمدؒ سمیت تمام علماءِ حق کا عقیدہ ہے : ودليلنا مامر انه ثبت بالاجماع وتواتر النقل عن الانبياء- صلوات اللّٰه عليهم- انه تعالٰى متكلم ولامعنی له سویٰ انه متصف بالكلام ويمتنع قيام اللفظي الحادث بذاته تعالٰى فتعين النفسي القديم.
(شرح عقائد:۲۲۱،ڈابھیل گجرات)