سوال : کیا فرماتے ہیں علمائے دین مسئلہ ذیل کے بارے میں کہ
مجھے اور میری بیوی دونوں کو سعودی میں مقیم و ملازم ہمارے داماد اپنی خواہش سےاس سال حج کرنے کی دعوت دے رہے ہیں اُن کے اپنے خرچ پر،کیا اس طرح ہم حج کر سکتے ہیں؟ اس سے ہمیں ثواب کتنا ملے گا ؟ میری ایک مدت سے حج کرنے کی خواہش ہے،ہمارے گھر کا خرچہ دو بیٹیوں کی مختصر کمائی سے پورا ہوتا ہے، فی الحال ہمارے پاس کوئی پونجی اور اثاثہ نہیں، اگر ہےتوصرف ایک مکان ہےجو میرا ذاتی مکان ہے،میرے چند نیک خواہ کہتے ہیں کہ تم میاں بیوی کا اشتیاقِ حج چونکہ اتنا شدیدہےکہ تم اپنے مکان کے حصے سے حج کر سکتے ہو اپنی بیوی کےساتھ،سعودی میں کمانے والے تمہارے داماد سے ڈیڑھ لاکھ روپئےقرض اس شرط پر لے لو کہ ان کے نام پر اپنا حصہ منتقل کر دو گےاوراپنے وارثین کے علم میں لے آؤ کہ اس مکان پرتم نے داماد سے ڈیڑھ لاکھ قرض لے رکھا ہے،اس کا ایک اگریمنٹ کاغذ تیارکرلوکہ اس قرض سے تم اور تمہاری بیوی نے حج کیا ہے اور اس قرض کی رقم لازماً واجب الادا ءہے،دس لاکھ کے اس مالیت والے مکان میں بحیثیتِ مالک میرا کتنا حصہ ہوگا ؟ امیدِقوی ہے کہ آپ اس استفتاء کا واضح اور شافی جواب مرحمت فرمائیں گے۔
ملحوظہ :میرے تین جوان بیٹے ہیں جن میں صرف ایک
کی شادی ہوئی ہے،میری چار لڑکیاں ہیں جن کی شادی ہو چکی ہے۔
الجواب وباللہ التوفیق :
صورتِ مسئولہ میں شرعاً آپ لوگوں پر حج فرض نہیں ہے،کیونکہ مکان حاجات ِاصلیہ میں شمارہوتاہےاور مکان کے علاوہ دیگر کوئی مال نہیں ہے اور حجِ بیت اللہ کا شوق اور تمنا بھی ہے، لہذا ایسی صورت میں داماد کی طرف سے حج کرانے کی پیشکش منجانب اللہ ایک انعام تصور کریں اور پہلی فرصت میں اس کو قبول فرما لیں۔
بصورت دیگر یعنی کسی بھی حالت میں داماد کی رقم سے حج ادا کرنا نہیں چاہتے ہیں تو سوال میں اگریمنٹ کی جو صورت لکھی ہے وہ بھی ٹھیک ہے، مگر آسان شکل یہ ہے کہ آپ اپنی اولاد سے کہہ دیں کہ میرے ذمہ داماد کا اتنا قرضہ ہے اور اس کو داماد کے علم میں لائیں اور اس بات پر دو گواہ بھی بنا لیں۔
مکان چونکہ آپ کا ہے، لہذا بحیثیتِ مالک پورے مکان کے حقدارآپ ہی ہیں، زندگی میں تقسیم ضروری نہیں اورانتقال کے بعد اس میں آپ کا کوئی حصہ نہیں اور زندگی میں تقسیم کا ارادہ ہو تو آپ اپنی مرضی سے جتنا چاہیں لے سکتے ہیں اورزندگی میں اپنی اولاد کو (خواہ لڑکا ہو یا لڑکی)برابر برابر دیناچاہئے اور مرنے کے بعد کی تقسیم دوسری ہے یعنی لڑکے کو دو حصے اور لڑکی کو ایک حصہ۔
اور یہ خیال بھی غلط ہے کہ دوسروں کے مال سے خرچ کرنے پر پورا ثواب نہیں ملتا بلکہ مکمل ثواب ملتا ہے،ہاں اپنے پاس مال رکھتے ہوئے دوسرے کے مال سے حج کریں تو پورا ثواب نہیں ملےگا بخالت کی وجہ سے، اور یہاں تو کوئی مال نہیں ہے لہذا پورا ثواب ملے گا۔
وفضلا
عن نفقة عياله ممن تلزمه نفقته لتقدم حق العبد إلى
حين عوده وقيل بعده بيوم وقيل بشهر.
لو لم يحج حتى أتلف ماله وسعه أن يستقرض ويحج ولو غير قادر على وفائه
ويرجى أن لا يؤاخذه اللہ بذلك: أي لو ناويا وفاء إذا قدر كما قيده في الظهيرية .