سوال : کیا فرماتے ہیں علمائے دین مسئلہ ذیل کے بارے میں کہ

                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                  میرے مرحوم والد اپنی حیات میں کئی سال پہلے ہمارے شہر کی ایک مسجد کی توسیع کے لئے مسجد کے بازو میں ایک جگہ خریدنے کے لئے ایک رقم مسجد کے ذمہ دار کے حوالے کر دیئے،لیکن اس زمین کی قیمت زیادہ تھی، مزید روپیوں کا انتظام نہ ہو سکا جس کی بنا پر وہ زمین نہیں خریدی گئی، بعد میں وہ زمین کسی اور کو فروخت کر دی گئی اب وہاں عمارتیں بنا دی گئی اور اس مسجد میں رقم کو استعمال کرنے کے لئے کوئی صورت نہیں ہے اس لئے حل طلب سوال یہ ہے کہ وہ رقم جو میرے والد دئیےتھے اس کا حکم کیا ہے اور وہ مال وقف میں داخل ہے یا مالِ وراثت میں، اگر مال وقف میں داخل ہے تو کیا اس کو کسی دوسری مسجد یا کسی اور دینی کاموں میں استعمال کر سکتے ہیں؟یعنی براہِ کرم تفصیلی جواب عنایت فرمائیں؟    

سمیع اللہ ، آمبور

الجواب وباللہ التوفیق :

                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                 بصورتِ صدقِ سوال و صحتِ واقعہ چونکہ واقف کا مقصد ان پیسوں سے زمین خرید کر زمین کو وقف کرنا تھا جو ان کی حیات میں مکمل نہیں ہو سکا تو اس صورت میں وقف تام نہ ہونے کی وجہ سے یہ مال وارثین کی ملکیت میں داخل ہو کر ان کے اپنے اپنے حصوں کے مطابق ان کے درمیان تقسیم ہوگا۔ ولا يتم  حتى يقبض و ويفرز (تنويرالابصار مع ردالمختار ۶/ ۵۴۳ بيروت)،ہاں آپ کےوالدمرحوم کے جملہ وارثین اپنی خوش دلی کے ساتھ اس رقم کو کسی دینی کاموں میں بھی  لگا سکتے ہیں۔